کابل (پژواک، ۲۸ وږی ۹۹): د افغانستان ولسمشر، د فرمان په صادرولو سره د احوالو د ثبت قانون تعدیل شوې طرحه، چې له مخې یې تذکره کې د مور نوم هم باید ولیکل شي، توشیح کړ.
د ولسمشر ویاند صدیق صدیقي پر خپله ټویټرپاڼه لیکلي چې د دغه فرمان تر صادرولو وروسته، په رسمي ډول د مور نوم په تذکره کې لیکل کیږي.
تر اوسه د افغانستان د تابعیت په تذکرو کې د تذکره اخستونکي نوم او د هغه د پلار او بابا نومونه لیکل کېدل.
د افغانستان کابینې د قوانینو کمېټې، د روانې (وږي) میاشتې په یوولسمه د احوالو د ثبت قانون د ځینو مادو د تعدیل طرحه، چې په تذکره کې د مور د نوم لیکل هم په کې شامل دي، تصویب کړه، خو تر اوسه دغه طرحه د تایید لپاره ملي شورا ته نه ده لېږدول شوې.
دا په داسې حال کې ده چې یو شمېر ښځو د ټولنیزو شبکو له لارې د «نوم مې چېرته دی» کمپاین پر لاره اچولی و او په تذکره کې یې د مور د نوم لیکلو غوښتنه کوله.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن