د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: غزني کې د پاکستانیانو په ګډون ۲۷ طالبان وژل شوي

چارواکي: غزني کې د پاکستانیانو په ګډون ۲۷ طالبان وژل شوي

Sep 19, 2020 - 16:12

غزني ښار (پژواک، ٢٩ وږى ٩٩) د غزني چارواکي وايې چې د غزني په قره باغ ولسوالۍ کې وسله والو طالبانو پر امنیتي پوستو ډله ییز بریدونه کړي دي.

د غزني ولایت ویاند واحدالله جمعه زاده وايي، لسګونو وسله والو طالبانو تېره شپه ناوخته د غزني قره باغ ولسوالۍ د عسکرکوټ په سیمه کې د پولیسو او اردو پر امنیتي پوستو بریدونه وکړل.

جمعه زاده وايي، په سيمه کې د نښتو پر مهال هوايي بريدونه هم ترسره شول چې په ترڅ کې يې ۲۷ طالبان چې یو شمېر پاکستانيان دي، وژل شوي دي.

د هغه په وينا، د ګڼ شمېر وژل شوو کسانو جسدونه د جګړې په سیمه کې پاتې دي.

د قره باغ ولسوالۍ د عسکر کوټ سیمې یو اوسېدونکی عبدالله وايي، بېګا شپه په یاده سیمه کې سخته نښته تېره وشوه.

هغه وايي، د شپې په دوولسو بجو سخت جنګ و، د طالبانو شمېر بېخي زیات و، وروسته هوايي برید وشو او جنګ د سهار خواته ودرېد.

د طالبانو ویاند ذبیح الله مجاهد هم یاده نښته مني او وايي چې په دې نښته کې یو شمېر وسله وال طالبان وژل شوي، خو شمېر يې په ډاګه نه کړ.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan