ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

په ١٢ ورځو کې د ننګرهار له ګمرک څخه يو ميليارد افغانۍ عوايد ترلاسه شوي

په ١٢ ورځو کې د ننګرهار له ګمرک څخه يو ميليارد افغانۍ عوايد ترلاسه شوي

author avatar
20 Sep 2020 - 15:37
په ١٢ ورځو کې د ننګرهار له ګمرک څخه يو ميليارد افغانۍ عوايد ترلاسه شوي
author avatar
20 Sep 2020 - 15:37

جلال اباد (پژواک، ٣٠ وږى ٩٩) : ځايي چارواکي وايي چې د ننګرهار ګمرک رياست په تېرو ۱۲ ورځو کې ۱۰۷۳ ميليونه افغانۍ عوايد را ټول او د دولت خزانې ته يې تسلیم کړي دي .

د ننګرهار د ګمرک رئیس نصرالله صاحبزاده د وږي په ٣٠مه، پژواک خبري اژانس ته وويل چې په ياده موده کې په يوه ورځ کې تر ټولو زيات ۱۳۴ ميليونه او په یوه ورځ کې تر ټولو کم ۴۳ میلیونه افغانۍ عواید يې را ټول کړي دي .

هغه د عوایدو د لوړېدو لامل د سوداګریزو چارو ګړندیتوب، د فساد مخنیوی، د اصلاحاتو رامنځته کېدل او سوداګرو ته د قانون له مخې اسانتياوې رامنځته کول دي .

صاحبزاده وايي، د ننګرهار د نوي والي ضياء الحق امرخېل لخوا د اصلاحاتو په رامنځته کېدو، فساد مخنیوي او په شفاف ډول د عوایدو لوړېدو برخه کې د همکارۍ ډاډ ورکړی او له همدې امله دوی په مطمئن ډول خپلې چارې ګړندۍ کړې دي .

د ننګرهار والي ضياء الحق امرخېل هم د ګمرک د عوايدو پر زياتوالي خوښي ښودلې ده.

هغه زياته کړې، چې تېر کال د همدې مياشت ۱۲ ورځو کې د ګمرک عواید ۵۷۰ ميليونه افغانۍ وو چې سږ کال شاوخوا ٥٠ سلنه زيات شوي.

امرخېل له ټولو هغو کسانو مننه وکړه چې په شفاف ډول د دولت عوایدو لوړېدو کې مرسته کوي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.