د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د اروزګان په ګيزاب ولسوالۍ کې ٢٤ سرتېري وژل شوي

د اروزګان په ګيزاب ولسوالۍ کې ٢٤ سرتېري وژل شوي

Sep 21, 2020 - 17:43

ترينکوټ  (پژواک، ٣١ وږى ٩٩) : ځايي چارواکي وايي چې د اروزګان ولايت په ګيزاب ولسوالۍ کې د نښتو پر مهال ٢٤ سرتېري وژل شوي دي.

د  اروزګان د والي مرستيال سيد سادات ناصري د وږي په ٣١مه، پژواک خبري اژانس ته وويل چې له درېيو ورځو راهيسې په ګيزاب ولسوالۍ کې سخته جګړه روانه ده.

هغه زياته کړه، چې دوو پوستو تر کلابندۍ وروسته سقوط کړى چې له مله يې ٢٣ پوليس او يو د ملي امنيت سرتېرى وژل شوي دي.

د نوموړي په وينا، اوس د ولسوالۍ پر مرکز او امنيه قوماندانۍ جګړه روانه ده او تر اوسه هيڅ ډول مرسته نه ده ورسېدلې.

د ګيزاب ولسوالۍ د پراختيايي شورا رييس حاجي فريدالله وايي چې له تېرو  درېيو ورځو راهيسې دلته سخته جګړه روانه ده، دولتي ځواکونه محاصره دي، خو له مرکزه هيڅ ډول مرسته نه ده شوې.

هغه زياته کړه چې د تېرو درېيو ورځو په جګړه کې تر ٦٠ زيات سرتېري وژل شوي او يو شمېر نور ټپيان دي.

د فريد په وينا، که چېرې بېړنۍ مرستې ونه رسيږي، نو د لسګونو نورو سرتېرو ژوند هم د مرګ له ګواښ سره مخ کېږي.

وسله والو طالبانو تر اوسه په دې اړه څه نه دي ويلي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan