د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: د ننګرهار شېرزادو کې لس کلي له وسله والو پاک شوي

چارواکي: د ننګرهار شېرزادو کې لس کلي له وسله والو پاک شوي

Sep 21, 2020 - 15:42

جلال اباد (پژواک، ۳۱ وږی ۹۹): د ننګرهار امنيتي چارواکي وايي، شېرزادو ولسوالۍ کې يې د عملياتو پرمهال سلو وسله والو ته مرګ ژوبله اړولې او لس کلي يې د دوی له فعاليت څخه پاک کړي دي.

د چارواکو په وينا، دا چاڼيز عمليات د شېرزادو ولسوالۍ په مقام باندې د وسله والو طالبانو تر ډله ييز بريد وروسته پيل شوي چې لا هم دوام لري.

څلور ورځې وړاندې وسله والو طالبانو شېرزادو ولسوالۍ کې د ولسوالۍ د مقام ترڅنګ پر يو شمېر امنيتي پوستو بريدونه وکړل چې دواړو لوريو په کې يو بل ته د مرګ ژوبلې اړولو خبر ورکړ.

په ختيځ کې د ۲۰۱ سيلاب قول اردو د څلورمې پلې لوا قوماندان بريد جنرال محمد کريم نيازي پرون شېرزادو ولسوالۍ کې يو رسنيز کنفرانس ته وويل، چې د وسله والو له دغه بريد وروسته يې سيمه کې د ګډو ځواکونو عمليات پيل کړي دي.

هغه وايي، په دغو عملياتو کې تر اوسه له سلو ډېرو وسله والو ته مرګ ژوبله اوښتې او لس کلي يې د دوی له فعاليته پاک کړي دي.

د جنرال نيازي په خبره، وسله والو تر بريد وړاندې په سيمه کې لسګونه ماينونه ځای پرځای کړي چې تر اوسه کشفي ارګانونو له ۷۰ ډېر ماينونه کشف او له منځه وړي دي.

نوموړی وايي، که څه هم حکومت په دې وروستيو کې د سولې په خاطر تعرضي عمليات نه کوي خو که وسله وال طالبان تعرض وکړي ، نو د دوی له دا ډول غبرګون سره مخ کېږي.

هغه بيا هم پر طالبانو غږ وکړ چې جګړه د حل لاره نه ده او نور بايد سوله وکړي.

په ورته وخت کې د سيمې اوسېدونکي وايي چې د جګړو له امله دوی سخت ځپل شوي او بايد حکومت ورسره مرستې وکړي.

امين الله چې څلور ورځې وړاندې يې پر کور د جګړې پرمهال د هاوان مرمۍ لګېدلې وايي، د کورنۍ شپږ غړي يې وژل شوي او څلور نور ټپيان دي.

د نوموړي په وينا، مرمۍ له هغه ځايه راغلې چې وسله وال طالبان په کې له حکومت سره په جګړه بوخت و او وايي تر اوسه يې حکومت هيڅ لاسنيوی نه دی کړی.

د شېرزادو ولسوالۍ د ځوانانو د شورا مرستيال نجيب الله شېرزاد وايي، دا ولسوالۍ جګړو ډېره ځپلې، د بيارغونې ترڅنګ يې د روغتيا او پوهنې برخو کې هم خلک له ستونزو سره مخ دي.

هغه زياته کړه چې په دې وروستيو کې د شېرزادو امنيت ښه شوی بايد حکومت ورته د رغونې برخه کې پاملرنه وکړي.

که څه هم په دې وروستيو کې د ننګرهار ولايت د ډېرو ولسواليو امنيت ښه شوی او شېرزادو ولسوالۍ ته له کلونو وروسته د ځمکې له لارې امنيتي ځواکونو ته د اکمالاتو د لېږد او تګ راتګ لار خلاصه شوه، خو بيا هم وخت نا وخته  په کې د وسله والو دا ډول بريدونه کېږي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan