د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

چارواکي: کندوز کې ٣٩ طالبانو ته مرګ ژوبله اوښتې

چارواکي: کندوز کې ٣٩ طالبانو ته مرګ ژوبله اوښتې

Sep 21, 2020 - 17:45

کندوز ښار (پژواک، ٣١ وږى ٩٩): امنيتي سرچينې وايي چې په کندوز کې د حکومتي ځواکونو او وسله الو طالبانو ترمنځ جګړه کې ٢٧ طالبان او دوه سرتېري وژل شوي، خو طالبان بيا دغه څرګندونې ردوي.

په کندوز کې د ٢١٧ پامير قول اردو له لوري په خپره شوې خبرپاڼه کې راغلي چې تېره شپه وسله والو طالبانو د کندوز ښار د زاخېل قديم سيمې ترڅنګ په امام صاحب او دشت ارچي ولسواليو کې هم د حکومتي سرتېرو پر پوستو بريدونه کړي دي.

سرچينه وايي چې په دغو بريدونو کې امنيتي ځواکونو ته مرګ ژوبله نه ده اوښتې خو ٢٧ طالبان وژل شوي او ١٢ نور ټپيان شوي دي.

د خبرپاڼې په حواله، د جګړې پرمهال د طالبانو يو ميل پيکا، شپږ ميله کلاشينکوفونه، يو قبضه راکټ، يو ٨٢ ملي متري توپ او ځينې نور وسلې او مهمات د امنيتي ځواکونو لاس ته ورغلي دي.

دغه راز د کندوز د امنيې قوماندانۍ وياند هجرت الله اکبري پژواک ته وويل چې د امام صاحب او زاخېل قديم سيمې د تېرې شپې په جګړه کې ١٧ وسله وال طالبان وژل شوي او يو شمېر نور ټپيان شوي دي.

همدارنګه يوې بلې امنيتي سرچينې پژواک ته وويل چې د تېرې شپې د جګړو په ترڅ کې دوه امنيتي سرتېري وژل شوي او څلور نور ټپيان شوي دي.

خو بل لورته وسله وال طالبان يادې څرګندونې ردوي.

د دې ډلې وياند ذبيح الله مجاهد پژواک ته وويل چې تېره شپه په کندوز کې طالبانو ته مرګ ژوبله نه ده اوښتې.

هغه وايي: ((بمبار يې کړى دي چې ملکي خلک په کې وژل شوي، امکان لري چې هماغه يې په طالبانو کې حساب کړي وي خو طالبانو ته مرګ ژوبله نه ده اوښتې.))

د يادونې ده چې په دې وروستيو کې په کندوز کې يو ځل بيا د امنيتي ځواکونو او وسله والو طالبانو ترمنځ جګړو زور اخيستى دى.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan