د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د غزني ښاروالۍ ته ودانۍ جوړه شوه

د غزني ښاروالۍ ته ودانۍ جوړه شوه

Sep 22, 2020 - 15:28

غزني ښار (پژواک، د تلې لومړۍ نېټه ٩٩): د څه باندې ١٣ ميليونه افغانيو په لګښت د غزني ښاروالۍ ته ودانۍ جوړه او ګټې اخيستنې ته وسپارل شوه.

د غزني ښاروالۍ په یوې پخوانۍ ودانۍ کې وه چې د دغې ادارې د چارواکو په خبره، کارونه يې د ځاى د نشتون له امله له ستونزو سره مخ وو.

خو د يادې ادارې لپاره نن نوې ودانۍ جوړه او ګټې اخيستنې ته وسپارل شوه.

په دې اړه جوړې شوې غونډې ته د غزني والي وحیدالله کلیمزي وويل چې پر دغې ودانۍ څه باندي ۱۳ میلیونه افغانۍ لګښت راغلی دى.

نوموړی وايي چې د تېرو کلونو په پرتله سږکال په غزني کې د بیارغونې ډېر کارونه ترسره شوي دي.

د غزني ښاروال مختاراحمد ملکیار وايي چې د دې ودانۍ چارې دوه کاله وړاندې پیل او څو ورځې وړاندې پاى ته ورسېدې چې نن ګټې اخېستنې ته وسپارل شوه.

ښاروال وايي: ((تر دې وړاندې د ځاى د کمبود له امله زیاتره کارکوونکي له ستونزو سره مخ وو او نه يې شوای کولای چې د خلکو کارونه پر خپل وخت سره ترسره او خلاص کړي.))

د ښاروال د معلوماتو له مخې، دغه ودانۍ ٢١ ادارې خونې او نور ملحقات لري.

د یادونې ده چې په غزني ولایت کې لسګونه دولتي ادارې خپلې ودانۍ نه لري او خپلې چارې په کرايي کورونو کې پرمخ بيايي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan