د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پوليسو رېنجر جلال اباد ښار کې څلورو ماشومانو ته مرګ ژوبله اړولې

د پوليسو رېنجر جلال اباد ښار کې څلورو ماشومانو ته مرګ ژوبله اړولې

Sep 22, 2020 - 16:03

جلال اباد (پژواک، د تلې لومړۍ نېټه ۹۹):  د ننګرهار مرکز جلال اباد ښار کې پوليسو په رېنجر موټر څلور ماشومان وهلي چې چارواکي وايي، يو يې مړ شوی او درې نور ټپيان دي.

د ننګرهار د والي وياند عطاء الله خوږياڼي د تلې په لومړې نېټه پژواک ته تاييد کړه چې نن تر غرمې مخکې شاوخوا دوولس بجې دغه پېښه د جلال اباد ښار په څلورمه ناحيه کې رامنځته شوې ده.

هغه زياته کړه، د لومړنيو معلوماتو له مخې د ښېوې ولسوالۍ د پوليسو موټر چې د جلال اباد ښار د څلورمې ناحيې اړوند قصبې سيمه کې د تېرېدو په حال کې و، څلور ماشومان يې وهلي دي.

د نوموړي په وينا، په دې پېښه کې يو ماشوم مړ شوی او درې نور ټپيان دي چې روغتون ته انتقال شوي دي.

د جلال اباد د حوزوي روغتون يوې سرچينې هم پژواک ته د نوم نه ښودلو په شرط وويل چې د پېښې له ځايه ورته دوه ټپيان او يو جسد چې ټول ماشومان دي انتقال شوي دي.

دې سرچينې زياته کړه چې په ټپيانو کې د يوه روغتيايي وضعيت د اندېښنې وړ دی.

د سيمې يوه اوسېدونکي صاحب الله پژواک ته وويل چې د پوليسو رېنجر موټر ګړندی تګ کاوه چې دا پېښه رامنځته شوه.

بلخوا د ننګرهار د والي وياند عطالله خوږياڼي ډاډ ورکړ چې پېښه تر څېړنو لاندې ده او که پوليس مجرم ثابت شي، قانوني چلند به ورسره وشي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan