د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پولیسو او څارنوالۍ ګډې کمېټې ۱۶۳۷ تورن فراري کسان نیولي

د پولیسو او څارنوالۍ ګډې کمېټې ۱۶۳۷ تورن فراري کسان نیولي

Sep 22, 2020 - 17:13

کابل (پژواک، د تلې لومړۍ نېټه ٩٩): د کورنیو چارو وزارت او لویې څارنوالۍ، پر جرمونو د تورنو فراري کسانو د نیولو ګډې کمېټې تر اوسه له ټولو ۷۶۳۹ فراري کسانو ۱۶۳۷ نیولي دي.

د لويې څارنوالۍ ویاند جمشید رسولي نن د کورنیو چارو وزارت له ویاند طارق ارین سره په کابل کې ګډې خبري ناستې ته وویل، پورته نیول شوي پر جرمونو تورن هغه کسان دي چې له ۱۳۹۵ کال څخه تر ۱۳۹۷ کال پورې یې د نیول کېدو امرونه ورکړل شوي دي.

هغه وویل: «د ۱۳۹۵ کال څخه تر ۱۳۹۷ کال پورې ۵۷۰۵ د نیول کېدو امرونه صادر شوي دي چې ۷۶۳۹ کسان کېږي او دغه کسان ټول په هېواد کې پر جنایي جرمونو، د ښځو پر وړاندې تاوتریخوالي، اداري فساد، نشته یې توکو او نورو جرمونو تورن دي.»

ده زیاته کړه، اوس مهال په هېواد کې د معافیت فرهنګ له منځه تللی او دغه فراري کسان چې د هېواد په هر ځای کې وي، د قانون منګولو ته به وسپارل شي.

ده  وویل چې د کورنیو چارو وزارت په چوکاټ کې د دغه وزارت او لويې څارنوالۍ د تورنو فراري کسانو د نیول کېدو لپاره یوه کمېټه جوړه شوې چې د یادو کسانو د نیول کېدو مسوولیت پر غاړه لري.

هغه وویل، د عدلي او قضايي ارګانونو دروازې د ټولو خلکو پر مخ خلاصې دي، خلکو ته د اسنادو وړاندې کولو او نظر ورکولو اجازه ورکول کېږي او تورن کسان دې هم راشي له خپلو ځانونو دې دفاع وکړي.

د کورنیو چارو وزارت ویاند طاریق ارین هم په دې خبري ناسته کې وویل چې د تورنو کسانو د نیولو له ۵۷۰۵ امرونه څخه تر اوسه ۱۲۴۶ امرونه پلي شوي دي.

هغه زیاته کړه: «تر اوسه ۱۶۳۷ کسان نیول شوي او د ۶۰۰۲ نورو کسانو څخه چې نه دي نیول شوي ۱۰۸۶ یې هغه کسان دي چې د دښمن (د دولت وسله والو مخالفینو) په سېمو کې ژوند کوي، ۶۹ نور یې د طالبانو سره یوځای شوي، ۱۱۳ کسانو باندې د قانون د حکم پلې کېډو نیټه پای ته رسیدلې او د پاتې نورو کسانو د نیول کېدو کار روان دی او ژر به ونیول شي.»

هغه همدارنګه وویل چې  پر یادو فراري نیول شوو کسانو سربېره، په تېرو شپږو میاشتو کې هم ۲۷۳۵ تنه پر جنایي جرمونو تورن کسان د امنیتي ځواکونو له خوا نیول شوي دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan