د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

اريوبي: پکتيکا کې د معلولينو لپاره ښارګوټى جوړيږي

اريوبي: پکتيکا کې د معلولينو لپاره ښارګوټى جوړيږي

Sep 23, 2020 - 17:08

ښرنه (پژواک، ٢ تله ٩٩): د شهيدانو او معلولينو په چارو کې د دولت وزير وايي چې د نورو امتيازاتو ترڅنګ په پکتيکا کې د شهيدانو کورنيو او معلولينو لپاره ښارګوټى هم جوړيږي.

د شهيدانو او معلولينو په چارو کې د دولت وزير لعل الدين اريوبي د تلې په دويمه پکتيکا ولايت ته د خپل سفر پرمهال د شهيدانو د کورنيو له غړو او معلولينو سره په ګډه غونډه کې وويل چې په دغه ولايت کې د نورو امتيازاتو ترڅنګ به د شهيدانو کورنۍ او معلولينو ته ښارګوټى جوړ شي او هم به کاري فرصتونه ورته برابر کړاى شي.

هغه زياته کړه: ((د شهيدانو کورنيو ته لازمه پاملرنه، اولادونو ته يې د زده کړې فرصتونه را منځته کول، د فزيکي کار په برخه کې د زمينې برابرول، په دولتې ادارو کې د معلولو کار کوونکو ګومارل او د ۱۳۹۰ او ۱۳۹۸ کلونو د کلنيو امتيازاتو ځنډېدو په برخه کې به ځانګړې پاملرنه وشي.))

نوموړي وويل چې په دې اړه يې د ښاروالۍ، ښار جوړونې او له ولايتي نورو ادارو سره خبرې کړي او هغوى د همکاريو ژمنه کړې ده.

دغه راز د پکتيکا والي مجيب الرحمن څمکني وويل چې په دغه ولايت کې د شهيدانو کورنۍ او معلوولين له ګڼو ستونزو سره مخ دي.

ده وويل: ((امتيازات يې په خپل وخت نه ورکول کيږي، کارتونه ورته نه جوړيږي، د سرپناه ترڅنګ په نورو برخو کې هم ستونزې لري.))

همدارنګه د معلولينو په استازيتوب حکمت يار وويل چې له تېرو درېيو کلونو راهيسې د ډېرو شهيدانو کورنيو او معلولينو ته کلني حقوق يې نه دي ورکول شوي.

نوموړي زياته کړه که په لنډ وخت کې يې ټول حقوق ور نه کړل په لاريونونو  به لاس پورې کړي.

د يادونې ده چې تر دې وړاندې هم د پکتيکا معلولينو د کلني حقوقو د نه ورکولو له امله شکايتونه کړي وو.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan