د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د احصایې ملي اداره: په برېښنایي پېژندپاڼو کې د مور نوم ليکل اختياري دى

د احصایې ملي اداره: په برېښنایي پېژندپاڼو کې د مور نوم ليکل اختياري دى

Sep 23, 2020 - 18:25

 کابل (پژواک، ۲ تله ۹۹): د احصایې او معلوماتو ملي اداره په داسې حال کې چې تر راتلونکې یوې میاشتې په برېښنایی پېژندپاڼو کې د مور نوم شاملولو د پیل خبر ورکوي، وايي چې تر دې دمه له یو ميلیون ډېرو کسانو ته برېښنایي پېژندپاڼې وېشل شوې دي.

 په برېښنایي پېژندپاڼو کې د مور د نوم لیکل چې په دې وروستیو کې د دولت د کابینې له خوا تایید شول، د ولسمشر غني له خوا توشيح شوی دی.

د احصایې او معلوماتو د ملي ادارې عمومي رییس احمد جاوید رسولي نن په کابل کې یوې خبري غونډې ته وویل چې د مور د نوم د لیکلو بهیر چې په پېژندپاڼو کې یې اوس لیکل اختیاري دي، په راتلونکې یوه میاشت کې به پیل شي.

نوموړی وایي، هغه کسان چې نه غواړي د مور نوم یې په تذکره کې ولیکل شي، وبه نه لیکل شي.

د مرکزي احصایې رییس په نننۍ ناسته کې د برېښنایي پېژندپاڼو د وېش د مرکزونو او د وېش د بهیر په اړه هم خبریالانو ته معلومات ورکړل.

د نوموړي په خبره، په هېواد کې د برېښنایي پېژندپاڼو د وېش له پیله تراوسه له یو ميلیون څخه ډېرو خلکوته دغه پېژندپاڼې وېشل شوې دي.   

هغه وایي چې د برېښنایی تذکرو د وېش د بهیر ګړندي کولو لپاره دوی په هېواد کې دننه او بهر د دغو پېژندپاڼو د وېش مرکزونه رامنځته کول او ډېرول غواړي.

 هغه همداراز څرګنده کړه چې د افغانستان په ټولو ولایتونو کې د برېښنايي پېژندپاڼو د وېش ۴۵ مرکزونه او په ایران کې د دغو تذکرو د وېش دوه مرکزونه فعالیت کوي.

د سرچینې د معلوماتو له مخې، په نږدې راتلونکي کې به متحده عربي اماراتو، سعودي عربستان او پاکستان کې د افغان کډوالو لپاره هم د برېښنایي پېژندپاڼو د وېش مرکزونه جوړ او د توزیع بهیر به یې پیل شي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan