د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د یوه ناروغ خپلوانو د استقلال روغتون درې ډاکتران وهلي

د یوه ناروغ خپلوانو د استقلال روغتون درې ډاکتران وهلي

Sep 23, 2020 - 12:08

کابل (پژواک، ۲ تله ۹۹): د یوه ناروغ خپلوانو د استقلال روغتون ډاکتران وهلي او ډبولي او د دې پېښې په تړاو د کابل پولیسو دوه کسان نیولي دي.

د استقلال روغتون سرطبیب ډاکتر احمد جاوېد یوسف پور د زمري په دویمه پژواک خبري اژانس ته وویل چې دغه پېښه نن سهار شاوخوا اته بجې د استقلال روغتون د جراحي په څانګه کې رامنځته شوه.

هغه زیاته کړه: «د ترافیکې پېښې یو ټپي نن سهار روغتون ته انتقال شو او ډاکترانو ورته رسېدنه وکړه؛ خو د هغه موټر چلوونکي له تېښتې وروسته چې پېښه یې کړې وه، د ناروغ پایوازانو پر ډاکترانو برید وکړ او هغوی یې ووهل.»

نوموړی وایي چې یادو کسانو د اوسپنیزې میلې په وسیله یو ډاکتر د سر په برخه کې ټپي کړی چې اوس مهال بستر دی.

هغه زیاته کړه چې د ناروغ دوه خپلوان د شپږمې امنیتې حوزې د پولیسو له خوا نیول شوي دي.

په همدې حال کې د یاد روغتون د جراحي خدماتو د ډاکټرانو له ډلې څخه ډاکټر عتیق الله انورزي د پېښې په تایید پژواک ته وویل چې ناروغ بستر دی او روغتیایي وضعیت یې هم د ډاډ وړ دی.

د کابل د امنیې قوماندانۍ ویاند فردوس فرامرز پژواک خبري اژانس ته وویل چې د ناروغ خپلوانو ډاکټران د هغوی ناروغ ته د پاملرنې نه کولو په له امله وهلي دي.

هغه وویل، ټول هغه کسان چې د استقلال روغتون د روغتیایي کارکوونکو په وهلو کې یې لاس درلود، د پولیسو له خوا نیول شوي دي.

نوموړی وایي چې قضیه تر څیړنې لاندې ده او په جدي ډول څارل کیږي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan