د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

"فساد او قاچاق د پانګونې پر وړاندې سترې ننګونې دي"

"فساد او قاچاق د پانګونې پر وړاندې سترې ننګونې دي"

Sep 23, 2020 - 17:10

 کابل(پژواک، ۲ تله ۹۹): د افغانستان په شپږو زونونو کې په داسې حال کې د کورنیو تولیداتو لپاره د بازارموندنې کمپاین پیلیږي چې پانګوال له فساد او په قاچاقي ډول له بهر نه د هغو توکو په رالېږد نیوکې کوي چې په هېواد کې دننه هم تولیدیږي. 

ټاکل شوې د روانې تلې میاشتې له ۲۳مې تر ۲۵ مې (درېيو ورځو) لپاره د هېواد په شپږو زونونو (کابل، هرات، ننګرهار، بلخ، کندهار او خوست) کې د کورنيو توليداتو نندارتونونه جوړ شي.

په دغو نندارتونونو کې به د کورنيو پانګوالو ترڅنګ يو شمېر بهرني پانګوال هم ګډون وکړي.

افغانستان کې د نړيوالې سوداګريزې خونې مشر جهت فضلي نن کابل کې په هغه خبري ناسته کې چې د یاد کمپاین په تړاو جوړ شوې وه، وويل چې د دې نندارتون موخه دا ده چې کورني توليدات د خپلو هېوادوالو تر څنګ نړيوالو ته هم معرفي شي، کورني توليدات نړيوالو بازارونو ته ورسول شي او په نړيوالو بازارونو کې هم نندارې ته کېښودل شي.

د صيام بزنس مشر صيام پسرلي په نننۍ ناسته کې وویل:"زموږ هدف دا دی چي خلک بايد داخلي توليدات واخلي، تر څو دغه توليدات وغوړيږي او رشد وکړي او دا يو ستر کمپاين دی، بله دا چې په افغانستان کې بايد پانګونه وشي، کورني او بهرني پانګوال بايد وهڅول شي ترڅو دلته پانګونه وکړي."

فساد او قاچاق؛ سترې ننګونې دي

د افغانستان د کانونو او صنایعو خونې مشر شیرباز کمین زاده په یاده ناسته کې وویل چې افغانستان کې د پانګونې په مخ کې ستره ستونزه د فساد شتون او له بهر نه هېواد ته د هغو توکو په قاچاقي ډول راوړل دي چې افغانستان کې هم په پراخه کچه او لوړ کیفیت تولیدیږي. 

کمین زاده وایي چې دا مهال د چرګانو غوښه، هګۍ، کيک، کلچې، چپس، ايسکريم او ځینې نور خوراکي توکي په قاچاقي ډول په داسې حال کې هېواد ته راوړل کيږي، چې همدغه توکي په هېواد کې دننه په لوړ کيفيت توليديږي.

هغه وایي:" تر ټولو غټه ستونزه قاچاق او  فساد دی، او لمن يې دومره پراخه شوې چې له یو شمېر عادي مامورينو نه نيولې تر ځينو غټو دولتي اراکينو او ځينو وکيلانو پورې؛ په دې قاچاق کې لاس لري."

د ده په وينا، د ياد قاچاق او فساد له امله په کور دننه فابريکې له ستونزو سره مخ دي؛ ځکه چې د افغانستان بازار د ټيټ کيفیت لرونکو او په قاچاقي توګه هېواد ته راوړل شویو توکو تسخير کړی دی.

کمین زاده وایي، که د فساد او قاچاق مخه ونيول شي، افغانستان به ډېر ژر د پر ځان بسيانې کچې ته ورسيږي.

کمين زاده له حکومت څخه وغوښتل چې هېواد ته په قاچاقي توګه د هغو توکو د رالېږد مخه ونيسي چې افغانستان کې هم تولیدیږي.

ده له خلکو وغوښتل چې کورني تولیدات وکاروي او پر د هېواد پر صنعتکارانو يې هم غږ وکړ چې د تولیداتو کیفیت ته ډېره پاملرنه وکړي.

د اسلامي بانک مرستيال جاوېد احمد ظاهري په یاده ناسته کې پر صنعتکارانو او سوداګرو غږ وکړ چې دغه بانک يې په چوپړ کې دی، او موخه يې دا ده چې څنګه وکولای شي د اسلامي او شرعي قوانينو په رڼا کې خلکو ته اړين خدمات وړاندې کړي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan