د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د پاکستان سفير : د همکاريو د پراختيا پر اساس د افغانستان حکومت د سياست ملاتړ کوو

د پاکستان سفير : د همکاريو د پراختيا پر اساس د افغانستان حکومت د سياست ملاتړ کوو

Sep 24, 2020 - 16:30

کابل (پژواک، ٣ تله ٩٩) : د افغانستان لپاره د پاکستان نوي سفير  ولسمشر غني سره د ليدنې پر مهال ويلي چې هېواد يې د سيمه ييز اتصال او همکاريو د پراختيا پر اساس د افغانستان حکومت د سياست ملاتړ کوي.

له ارګ څخه د تلې په ٣مه، پژواک اژانس ته په يوه را استول شوې خبرپاڼه کې راغلي چې

ولسمشر محمد اشرف غني نن له غرمې مخکې د افغانستان لپاره د پاکستان د نوي سفیر منصور احمد خان باورلیک ومانه.

سرچينې زياته کړې، د باورلیک سپارلو په مراسمو کې چې په ارګ کې ترسره شول، لومړی د افغانستان لپاره د پاکستان نوي سفیر منصور احمد خان ولسمشر غني او افغانانو ته د پاکستان د لومړي وزیر عمران خان او د لوی درستیز جنرال قمر باجوه د سلامونو او نېکو هیلو وړاندې کولو ترڅنګ وویل : (( موږ غواړو د دواړو هېوادونو اړیکې پراخې شي او پاکستان په افغانستان کې د تلپاتې سولې د ټینګېدو غوښتونکی دی.))

هغه زياته کړه، ماموریت د اړيکو، ترانزیټ او سوداګریزو همکاریو پراختیا او د دواړو هېوادونو د خلکو په تګ راتګ کې د اسانتیاوو رامنځته کول دي.

د نوموړي په وينا، پاکستان د سیمه ییز اتصال او همکاریو د پراختیا پر اساس د افغانستان حکومت د سیاست ملاتړ کوي.

ولسمشر غني د پاکستان نوي سفیر ته د ښه راغلاست ترڅنګ وویل : (( موږ له پاکستان سره د اړیکو پراختیا او د سوداګریزو همکاریو د پیاوړتیا او د افغان کډوالو په تګ راتګ کې د اسانتیاوو رامنځته کولو او د ستونزو د حل غوښتونکي یوو.))

هغه زياته کړه، د افغانستان حکومت غواړي د سیمه ییز اتصال پالیسۍ په ځانګړي ډول پاکستان ته د منځنۍ اسیا د انرژۍ لېږد په برخه کې، ښې پایلې ولري.

ولسمشر غني د سولې پروسې په اړه وویل، د افغانستان حکومت د سولې پروسه کې د سیمې هېوادونو د ملاتړ غوښتونکی دی. په افغانستان کې د جګړې پای ته رسېدل او د سولې ټینګښت د سیمې هېوادونو په ګټه دی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan