د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

خليلزاد: ښکېلې خواوې د افغانستان له جګړې ابزاري ګټه پورته کوي

خليلزاد: ښکېلې خواوې د افغانستان له جګړې ابزاري ګټه پورته کوي

Sep 25, 2020 - 17:01

کابل (پژواک، ٤ تله ٩٩): د افغاستان د سولې پروسې لپاره د امريکا ځانګړى استازى په افغانستان کې د جګړې پر کمېدو ټينګار کوي او وايي چې ښکېلې خواوې له جګړې ابزاري ګټه پورته کوي.

دغه څرګندونې د افغانستان د سولې پروسې لپاره د امريکا ځانګړي استازي زلمي خليلزاد پرون د امريکا د سولې انسټېټوت ته د انلاين سيستم له لارې وکړې.

هغه وويل چې په افغانستان کې تاوتریخوالي د منلو نه دى او بايد په جګړه کې کموالى راشي.

نوموړي د اورکم یا د تاوتریخوالي د کمېدو لپاره خپله غوښتنه يو ځل بيا تکرار کړه او ويې ويل چې ښکېلې خواوې د افغانستان له جګړې ابزاري ګټه پورته کوي.

ده وویل: "لازمه ده چې د دواړو خواوو له لوري تاوتریخوالی کم شي، زه له دواړو خواوو سره د خبرواترو په پروسه کې یم. هیله لرم چې د افغانانو او نړیوالې ټولنې په فشار (د تاوتریخوالي کمېدل) یو له لومړنیو موضوعاتو وي چې په اړه یې پرمختګ وشي."

خليلزاد وايي چې په جګړه کې ډېروالى د افغانستان خلک د سولې پر پروسې بې باوره کوي.

د يادونې ده، په دې وروستيو کې يو ځل بيا د افغانستان په بېلابېلو ولايتونو کې د حکومتي ځواکونو او وسله والو طالبانو ترمنځ جګړو زور اخيستى چې له امله دواړو لورو ته تر اوسه درنه مرګ ژوبله اوښتې ده.

دا په داسې حال کې ده چې په افغانستان کې د جګړې د پای ته رسېدو لپاره د دولت او طالبانو د مرکچي پلاوو ترمنځ خبرې ۱۳ ورځې مخکې په قطر کې پیل شوي خو د دواړو خواوو د تماس ډلې لا هم د رسمي خبرو پیلولو لپاره د طرزالعمل پر سر موافقې ته نه دي رسېدلي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan