د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

امريکا افغانستان ته نور سلګونه سرتېري رالېږي

امريکا افغانستان ته نور سلګونه سرتېري رالېږي

Sep 26, 2020 - 13:32

کابل (پژواک، ٥ تله ٩٩): د امريکا د دفاع وزارت اعلان کړى چې ډېر ژر به افغانستان ته نور سلګونه سرتېري ولېږي.

د امريکا (ارمي ټايمز) په نوم رسنۍ چې ډېرى د امنيتي ځواکونو په اړه خبرونه خپروي، په يوه تازه راپور کې ويلي، پنټاګون پلان لري چې په مني کې سلګونه سرتېري افغانستان، جنوبي کوريا او ځينو اروپايي هېوادونو ته ولېږي.

سرچينې زياته کړې چې په دې موده کې به امريکا شاوخوا ١٦٠٠ سرتېري په دوره يي توګه افغانستان ته د هغو سرتېرو پر ځاى ولېږي چې هلته يې د دندې موده بشپړېږي.

دا په داسې حال کې ده چې په افغانستان کې امريکايي ځواکونو له طالبانو سره له تړون وروسته جګړه درولې ده، يواځې ځيني وخت د ترهګرۍ پر ضد ځانګړي عمليات ترسره کوي.

په افغانستان کې شاوخوا ١٢٠٠٠ امريکايي سرتېري مېشت وو، خو د امريکا او طالبانو ترمنځ له تړون وروسته دا شمېر ٨٦٠٠ ته ټيټ شوی دی.

اوس امريکايي چارواکو ويلي چې دغه شمېر پنځو زرو ته ټيټېږي او د تړون له مخې، بايد صفر ته راټيټ شي، خو امريکا دا هم ويلي چې د سرتېرو ايستل يې مشروط دي او که طالبانو ژمنې عملي نه کړې، نو افغانستان کې پاتې وي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan