د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

غزني کې سږ کال څه باندې دوه زره مټریک ټنه الوبخارا توليد شوي

غزني کې سږ کال څه باندې دوه زره مټریک ټنه الوبخارا توليد شوي

Sep 26, 2020 - 11:37

غزني ښار (پژواک، ٥ تله ٩٩): د غزني د کرنې رياست چارواکي وايي چې سږ کال د الوبخارا له ۲۶۰ باغونو څه باندې دوه زره مټریک ټنه حاصلات ترلاسه شوي دي.

د غزني د کرنیزو چارو امر عبدالولي کوچى وايي چې په دغه ولایت کې د الوبخارا څلور ډولونه کرل شته چې تر ټولو مشهور یې «دل ګنجشک» دي او نړیوال بازار هم لري.

د هغه په خبره، د غزني الوبخارا له هېواده بهر هند، پاکستان، متحده عربي امارات، انګلستان، امریکا او کاناډا ته هم صادریږي.

نوموړى زياتوي: ((سږ کال زموږ حاصلات ډېر ښه دي، څه باندې دوه زره مټريک ټنه الوبخارا تر اوسه توليد شوي دي.))

د الوبخارا د پروسس د يوه شرکت مسوول حیات الله شفاهي وايي چې د نورو ولایتونو په پرتله په غزنې کې الوبخارا ډېر تولیدیږي.

هغه وویل چې د دغه ولایت الوبخارا لوړه بیه لري چې دمګړۍ د غزني په بازارونو کې یوه کیلو وچ الوبخارا په ۲۰۰ افغانیو پلورل کېږي.

شفاهي وویل چې د غزني د الوبخارا وو د تولید او پروسس په برخه کې لویه ستونزه بسته بندي ده.

هغه زياته کړه، دا ستونزه د دې لامل شوې چې د دغه ولایت الوبخارا په غير معیاري ډول او په ټیټه بیه له هېواده بهر بازارونو ته صادر او وپلورل شي.

د نوموړي د معلوماتو له مخې، د دوى شرکت د فصل راټولولو په موسم کې د ورځې په منځنۍ کچه تر ۱۰۰ منه الوبخارا پروسسوي او د دغه محصول په پروسس کې ښځې اساسي ونډه لري.

بل لور ته فریبا مهرزاد هغه مېرمنه ده چې په دغه شرکت کې د الوبخارا د پروسس په برخه کې کار کوي.

هغې وویل چې په دغه شرکت کې په کار کولو سره توانېدلې ده چې د خپلې کورنۍ یو شمېر اقتصادي ستونزې هوارې کړي.

د هېواد په کچه د الوبخاراوو څلور زره او ۲۹۴ بڼونه شته چې د يو هکټار حاصل یې اووه مټریک ټنه اټکل شوى دى.

الوبخارا د کابل، غزني، لوګر، پروان، کندهار، زابل او میدان وردګو په ولایتونو کې تولیدیږي چې په دې ډله کې غزني تر ټولو ډېر او باکیفیته الوبخارا تولیدوي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan