د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

په هرات کې د پولیسو ۴۶ منسوبین له دندو ګوښه شوي

په هرات کې د پولیسو ۴۶ منسوبین له دندو ګوښه شوي

Sep 26, 2020 - 19:41

هرات ښار: (پژواک، ۵ تله ۹۹): د کورنیو چارو وزارت لوړپوړي چارواکي په هرات ولایت کې د وظیفوي ټګۍ، اداري فساد او کم کارۍ له امله د دغه ولایت د پولیسو د ۴۶ منسوبین د له دندې لرې کېدو خبر ورکوي.

د کورنیو چارو وزارت ارشد امنیتي مرستیال، عبدالصبور قانع چې د څو ورځو راهیسې دغه ولایت د امنیتي وضعیت د څېړلو لپاره تللی وه، نن یې په یوه خبري ناسته کې خبریالانو  ته د خپلو ارزونو د پایلو په اړه معلومات ورکړل.

نوموړي زیاته کړه، د پولیسو له قطعو د ارزونې په لومړي پړاو کې یې د هرات د امنیې قوماندانۍ د امنیت امر، د امنیتي حوزو درې امرین او ځینو نورو چارواکو په ګډون ۴۶ د پولیس منسوبین له دندو ګوښه شوي دي.

هغه څرګنده کړه چې د هرات د امنیې قوماندانۍ ځینې مدیران او کشفي امران هم په دغو کسانو کې شامل دي.

د کورنیو چارو وزارت د لوړپوړي مرستیال په وینا، دغه ۴۶ کسان د وظیفوي غفلت، اداري فساد او کاري ضعف له امله له خپلو دندو لرې شوي دي.

هغه څرګنده کړه چې له دندو د ګوښه شوو کسانو پر ځای، نور تجربه لرونکي کسان ټاکل کېږي.

د کورنیو چارو وزارت لوپوړي مرستیال وویل، له دې سره هم مهاله ۱۲ چارواکي او د پولیسو منسوبین د دندو د ښه ترسره کولو له امله د کورنیو چارو وزارت له خوا وستایل شول او ترفېع یې وکړه.

هغه همداراز زیاته کړه چې د ملي اردو او د هرات د ملي امنیت د قطعاتو ارزونې هم روانې دي او ښایي یو شمېر نور امنیتي چارواکي هم له دندو ګوښه شي.

د کورنیو چارو وزارت مرستیال دا هم وویل، چې د امنیتی ځواکونو د ارزونې سربیره، ډیری امنیتی تدابیر او د سړي تښتونې، وسله والو غلاوو، په ښار کې د جرمونو سره د مبارزې لپاره نوي تاکتیکونه، د انسان تښتونې د مبارزه لپاره رامنځته شوي دي.

قانع ټینګار کوي چې دغه پروګرامونه د لنډې مودې لپاره نه دي او په عملي کېدو سره به یې امنیتي وضعیت ښه شي.

د هرات والي سید وحید قتالي هم په دغه ناسته کې ټینګار وکړ چې په امنیتي ځواکونو کې دغه ډول اصلاحات دوام لري او هر چارواکی چې په کار کې سستي وکړي، له دندې به لرې شي.

نوموړي دغه راز وویل چې دا ځل به چارواکو په ټاکلو کې د چا د وسیلې او واسطې تر فشار لاندې رانه شي.

په همدې حال کې د هرات یو شمېر اوسېدونکي د امنیتي وضعیت د ښه والي لپاره د کورنیو چارو وزارت د پلاوي پر فعالیت باور نه لري او وايي چې د مرکزي پلاوي ټولې کړنې لنډ مهاله او بې ګټې دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan