د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

حکومت په کندهار کې لسګونو طالبانو ته د مرګ ژوبلې اوښتو ادعا کوي

حکومت په کندهار کې لسګونو طالبانو ته د مرګ ژوبلې اوښتو ادعا کوي

Sep 27, 2020 - 11:21

کندهار (پژواک، ۶ تله ۹۹): د کندهار په میوند ولسوالۍ کې د امنیتي ځواکونو په عملیاتو کې لسګونو سله والو ته مرګ ژوبله اوښتې ده.

دغه عملیات تېره ورځ د دې ولسوالۍ په مندوزو او کوکه کارېز سیمو کې پیل شوي چې نن هم روان دي.

د کندهار د امنیې قوماندانۍ ویاند جمال ناصر بارکزي د تلې په ٦مه پژواک خبري اژانس ته وویل، په دغو عملیاتو کې تر دې مهاله ۲۸ وسله وال وژل شوي او ۳۰ نور ټپیان شوي دي.

ده زیاته کړه، وسله والو په دغو سیمو کې ډېر شمېر ماینونه هم ځای پر ځای کړي چې د امنیتي ځواکونو له خوا ۵۰ دغه ماینونه کشف او شنډ شوي دي.

دی وايي، عملیات په بریالیتوب روان دي او تر دې مهاله امنیتي ځواکونه کوم زیان نه لري.

د کندهار امنیه قوماندان تورنجنرال تادین خان چې د دغو عملیاتو د ارزونې لپاره یې میوند ولسوالۍ ته سفر کړی وايي، له هلمند څخه راغلو لسګونو وسله والو پلان جوړ کړی و څو میوند، ژیړۍ او پنجوايي ولسوالۍ سقوط کړي او کندهار ښار ته داخل شي.

هغه پژواک اژانس ته وویل، امنیتي ځواکونو نه یوازې د هغوی دغه پلان شنډ کړ، بلکې هغوی یې د میوند ولسوالۍ له لسو کلیو پر شا کړي او درنه مرګ ژوبله یې ور اړولې ده.

دی زیاتوي، په دغو عملیاتو کې چې د وسله والو په خلاف په دې ولسوالۍ کې پيل شوي، پولیس، ملي اردو، ځانګړي ځواکونه، ضربتي ځواکونه او د هوايي لوا ځواکونه برخه لري.

بلخوا د کندهار په میانشین ولسوالۍ کې تېره شپه د پولیسو پر اووه او اته نمبرو پوستو طالبانو بریدونه کړي دي.

د امنیې قوماندانۍ ویاند وايي، امنیتي ځواکونو د وسله والو برید پر شا تمبولی او په جګړه کې د هغوی ۶ کسان وژل شوي او ۷ نور ټپيان شوي دي.

د ده په خبره، امنیتي ځواکونو ته مرګ ژوبله نه ده اوښتې.

وسله والو طالبانو تر اوسه د میوند د عملیاتو او د میانشین د برید په اړه څه نه دي ویلي.

په دې وروستیو کې په داسې حال کې په کندهار کې د وسله والو بریدونه ډېر شوي چې د قطر په پلازمېنه دوحه کې د حکومت او طالبانو د مرکچي پلاوو له خوا د سولې خبرې پیل شوي دي.

د وسله والو د بریدونو ډېر تمرکز هلمند او اروزګان ولایتونو ته نږدې په شمالي ولسوالیو ډیورنډ کرښې ته په ورڅېرمه ولسوالیو کې دی.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan