د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د دولت مرکچي پلاوي ريیس د وروستیو پرمختګونو په اړه ډاکتر عبدالله ته معلومات ورکړل

د دولت مرکچي پلاوي ريیس د وروستیو پرمختګونو په اړه ډاکتر عبدالله ته معلومات ورکړل

Sep 27, 2020 - 11:18

کابل (پژواک، ۶ تله ۹۹): د ملي مصالحې عالي شورا رییس ډاکتر عبدالله په قطر کې د افغانستان اسلامي جمهوریت له پلاوي سره د ويډیو کنفرانس له لارې خبرې وکړې.

د ملي مصالحې عالي شورا د مطبوعاتي دفتر په خبرپاڼه کې چې نن خپره او پژواک خبري اژانس ته را رسېدلې ده، راغلي په دې خبرو کې چې تېر ماښام شوې، د ملي مصالحې عالي شورا رییس د خبرو اترو د ټېم له زغم، همغږي او یووالي مننه او قدرداني کړې ده.

ډاکتر عبدالله زیاته کړه: «تاسو د سولې له پیغام سره د لوی ملي ماموریت ترسره کولو لپاره قطر ته تللي یاست او د افغانستان خلک او حکومت په یوه غږ له تاسو ملاتړ کوي.»

سرچینې زیاته کړې چې په دغو خبرو کې معصوم ستانکزي د حکومت د مذاکراتي پلاوي په استازيتوب د افغانستان د اسلامي جمهوریت له رهبرۍ د سولې د هڅو ملاتړ له امله مننه وکړه او د سولې په خبرو کې د وروستیو پرمختګونو او بدلونونو په تړاو یې معلومات ورکړل.

د ملي مصالحې د عالي شورا رییس د راپور له اورېدو وروسته د خبرو اترو د پرمختګ په اړه خپل نظریات څرګند کړل او د افغانستان د اسلامي جمهوریت پر هوډ یې ټینګار وکړ چې جګړه پای ته ورسوي او دوامداره او باعزته سولې ته ورسیږي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan