د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د ملي شورا د امنیتي چارو د رییس وراره د حکومتي ځواکونو په عمیاتو کې وژل شوی

د ملي شورا د امنیتي چارو د رییس وراره د حکومتي ځواکونو په عمیاتو کې وژل شوی

Sep 27, 2020 - 18:32

 کابل (پژوک، ۶ تله ۹۹): د مشرانو جرګې رییس وایي چې تېره شپه د کابل ښار په مرنجان غونډۍ ساحه کې د امیني ځواکونو د عملیاتو په لړ کې، د ملي شورا د امنیتي چارو د رییس شفیق فضلي وراره وژل شوی دی.

 فضل هادي مسلمیار د جرګې په نننۍ ناسته کې د دغه مطلب له څرګندولو سربېره وویل چې دا پېښه هغه مهال رامنځته شوه چې امنیتي ځواکونو غوښتل د شفیق فضلي د وراره کور تلاشي کړي.

مسلمیار په دې اړه نور جزيیات ورنه کړل خو ويې ویل چې دغه قضیه څاري.

 همدارنګه، نوید سلطاني په ټولنیزه شبکه واټس اپ کې لیکلي دي چې تېره شپه د کابل ښار د اتمې حوزې اړوند د نادرخان غونډۍ (مرنجان غونډۍ) کې د احمدشاه خادم یار په نوم یو کس په خپل کور کې د صفر یو قطعې ځواکونو له خوا وژل شوی دی.

هغه په ​​دې اړه چې خادم یار د شفیق فضلي وراره دی او که نه، څه نه دي لیکلي او زیاته کړې یې ده چې د صفر یو په نوم د قطعې کسان چې ګواکي د احمد شاه خادم یار کور تلاشي کوي په زور کور ته د ننه کېږي.

سرچینه د خادم یار د کورنۍ د یوه غړي په وینا لیکي: «موږ چیغې وکړې چې غله دي، کله چې خادم یار د خپلې کورنۍ د غړو چیغې اوري، له خوبه راپاڅیږي او له خپلې وسلې سره د کور خواته راځي چې په مستقیم ډول پرې ډزې کېږي او په شهادت رسول کېږي او هغوی بېرته کور پرېږدي.»

د هغه په ​​وینا، قوماندان احمدشاه خادم یار چې د کابل په هوایی ډګر کې يې دندې ترسره کوله، د روسیې له اکاډمۍ څخه یې د ماسټرۍ سند ترلاسه کړى و.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan