ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

ملي امنيت: هغه ځانمرګی چې د مشرانو جرګې پر رييس يې د بريد پلان درلود نيول شوى

ملي امنيت: هغه ځانمرګی چې د مشرانو جرګې پر رييس يې د بريد پلان درلود نيول شوى

author avatar
27 Sep 2020 - 16:52
ملي امنيت: هغه ځانمرګی چې د مشرانو جرګې پر رييس يې د بريد پلان درلود نيول شوى
author avatar
27 Sep 2020 - 16:52

جلال اباد (پژواک، ٦ تله ۹۹): د لغمان ولايت چارواکي وايي، د ملي امنیت ځواکونو له لوري هغه ځانمرګی بريدګر نيول شوی چې د مشرانو جرګې پر رييس يې د بريد پلان درلود.

د لغمان د والي ویاند اسدالله دولتزي د تلې په ۶مه د یوه خبري کنفرانس پرمهال وویل چې د لغمان د ملي امنیت منسوبینو د کشفي اطلاعاتو په اساس نن سهار جلال اباد ښار کې عمليات ترسره کړي او د مشرانو جرګې پر رييس ځانمرګي بريد ته چمتو شوی بريدګر يې نيولی دی.

هغه زياته کړه، په دې عملياتو کې د قاري بلال په نوم د ځانمرګو بریدونو یو مسئول له لوري چمتو شوی د ځانمرګي بريد یو واسکټ له یوه تن عرفان الله مشهور په سرخرودي نومي سره نيولی دی.

د نوموړي په وينا، نیول شوی کس اوس مهال د ملي امنیت په رياست کې تر پوښتنو او ګرویږنو لاندې دی.

 دولت زي زیاته کړه چې د یو لړ نورو ځانګړو عملیاتو پرمهال د ملي امنیت ځواکونو له نورو افغان ځواکونو سره په مشترک ډول قرغیو ولسوالۍ اړوند د کابل _ جلال اباد پر لویه لاره په يوه زرنج موټرسایکل کې بار لس بورۍ چاودېدونکي توکي چې ۲۵۶ کیلوګرامه کیږي هم نیولي دي.

نوموړی وایې، ددغو چاودېدونکو توکو د انتقال په تور یوتن محمد اګل نومی هم نیول شوی چې اوس مهال تر پوښتنو او ګروېږنو لاندې دی.

د هغه د معلوماتو له مخې، ياد دواړه بريدونه د وسله والو طالبانو له لوري پلان شوي و چې دوی يې مخه نيولې ده .

وسله والو طالبانو تر اوسه په دې تړاو رسنيو ته څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.