د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

تورخم کې د ۲۶ميليونه افغانيو په لګښت د يو ښوونځي ودانۍ جوړه شوه

تورخم کې د ۲۶ميليونه افغانيو په لګښت د يو ښوونځي ودانۍ جوړه شوه

Sep 28, 2020 - 20:32

جلال اباد (پژواک، ۷ تله ۹۹) : د ننګرهار د مومندرې ولسوالۍ اړوند تورخم ښارګوټي کې د ۲۶ میليونه افغانيو په لګښت يو ښوونځی جوړ او ګټې اخيستنې ته وسپارل شو.

مسولين وايي، دا ښوونځی هغو زده کوونکو ته جوړ شوی چې پخوا يې له ډيورنډ کرښې هاخوا پاکستانيو ښوونځيو کې زده کړې کولې.

د ننګرهار والي ضياء الحق امرخېل په دې اړه جوړو شويو مراسمو کې وويل، د دې ودانۍ جوړېدو سره به تر دې وروسته ملشومان له فرضي کرښې اخوا زده کړو ته نه ځي او په خپل ښوونځي کې به زده کړي کوي. نوموړي ډاډ ورکړ، چې د دې ښوونځي اړوند ټولو ستونزو په حل کې به همکاري وکړي او هیله یې وښوده چې زده کوونکو ته د تاریخ په زده کړې سره د خپلې خاورې د ساتنې روحیه ورکړل شي.

د پوهنې رييس حسيب الله شينواري وويل، چې دغه ښوونځی د ښار جوړونې رياست له لوري د يو کال په موده کې په ۲۶ میلیونه افغانيو لګښت په دوو پوړونو کې جوړ شوی، چې شل خونې، کمپيوټر ليب، لابراتوار، د پاکو اوبو څاه، تشنابونه، ګُدام او نور اړين ملحقات لري.

رييس زياته کړه چې یادې لیسې د ښوونکو تشکیل زیاتوالي،ارتقاع او نورو برخو کې به همکاري وکړي.

قومي مشر مشر ملک اولداد د یاد ښوونځي په جوړیددو خوښي وښوده او زیاته یې کړه تر دې وروسته به اخوا تګ نه کوي او د خپلو ښوونکو له لورې به یې اولادونه زده کړي وکړي.

د یادونې وړده چې د مومندرې فرضي کرښې ته څېرمه جوړ شوي ښوونځي کې د ۲سوه نجونو په ګډون ۵۱۷ تنه زده کوونکي په زده کړو بوخت دي.

نښه: 

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan