د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

د افغانستان او سريلانکا سوداګرۍ خونو ترمنځ هوکړه ليک لاسليک شو

د افغانستان او سريلانکا سوداګرۍ خونو ترمنځ هوکړه ليک لاسليک شو

Sep 28, 2020 - 14:55

کابل (پژواک، ٧ تله ٩٩): د افغانستان او سريلانکا سوداګرۍ او پانګونې خونو ترمنځ هوکړه ليک لاسليک شو.

په سريلانکا کې د افغانستان سفير اشرف حيدري د تلې په ٧مه پژواک خبري اژانس ته وويل چې په دې اړه نن د دواړو هېوادونو د سوداګرۍ خونو د استازو ترمنځ لومړى د ويډيو له لارې ناسته وشوه.

هغه زياته کړه چې وروسته ده د سوداګرۍ خونې په استازيتوب د سريلانکا د سوداګرۍ خونې له مسوولينو سره پر دغه هوکړه ليک لاسليک وکړ.

د افغانستان سفير وايي چې په دغو مراسمو کې د دواړو هېوادونو د سوداګرۍ خونو اجرائيوي رييسانو ويناوې وکړې او د سوداګرۍ د پراختيا په اړه يې وړانديزونه وکړل.

حيدري وويل چې د دغه هوکړه ليک له مخې به د دواړو هېوادونو د سوداګرۍ او پانګونې خونو کې د افغانستان او سريلانکا د سوداګرۍ ځانګړې څانګه جوړېږي چې ورسره به سوداګريزې اړيکې ښې او پراختيا ومومي.

د هغه په وينا، په کابل او کولمبيا کې د دواړو هېوادونو سفارتونه به د دغه هوکړه ليک په عملي کولو کې همکاري کوي.

ده زياته کړه چې د دواړو هېوادونو ترمنځ سوداګرۍ ته د پراختيا لپاره ډېر چانسونه شته چې له دغه هوکړه سره به ورته عملي بڼه ورکړل شي.

د حيدري په وينا، د افغانستان او سريلانکا مشران هم د نورو اړيکو ترڅنګ د سوداګريزو اړيکو پراختيا ته ارزښت ورکوي او په دې برخه کې يې د هر ډول همکارۍ ډاډ ورکړى دى.

د افغانستان سفير وايي چې په دې ناسته کې پرېکړه وشوه چې د سوداګريزې پراختيا لپاره همېشه سره په په اړيکه کې وي او د يو بل هېوادونو ته به سفرونه هم کوي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan