د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

ولسمشر خپل ١٧سلاکاران له دندو ګوښه کړل

ولسمشر خپل ١٧سلاکاران له دندو ګوښه کړل

Sep 29, 2020 - 16:14

کابل  (پژواک، ٨ تله ٩٩) : ولسمشر اشرف غني د چارو ادارې په وړانديز خپل ١٧ سلاکاران له دندو ګوښه او د هغوى تشکيلات يې هم له منځه وړي دي.

يوې حکومتي سرچينې چې د نوم له اخيستو يې ډډه کوله، د تلې په ٨مه، پژواک خبري اژانس ته وويل چې ددغو سلاکارانو تشکيلات او دندو د تخصص معيار وارزول شول او بيا يې د چارو ادارې د لغوه کولو وړانديز وکړ.

سرچينې زياته کړه، چې ولسمشر تر يادې ارزونې او د چارو ادارې تر وړانديز وروسته خپل ١٧ سلاکاران له ندو ګوښه او دهغوى تشکيلات يې هم له منځه يوړل.

دغې حکومتي سرچينې وويل چې ددې ترڅنګ د يو شمېر نورو سلاکارانو تشکيلات چې له ٢٠ څخه زيات وو، د هغوى بستونه هم  کم کړى شوي دي.

سرچينه وايي چې په دې توګه ٢٢٥ بستونه لغوه شوي چې له امله يې د ملي بوديجې ميليونونه افغانۍ سپما شوې ده.

پژواک اژانس ددغو ١٧ سلاکارانو چې د ولسمشر له خوا ګوښه شوي، نوملړ هم ترلاسه کړى دى.

په دې سلاکارانو کې په نړيوالو چارو کې سلاکار سيد حامد ګيلاني، د سولې په چارو کې سلاکار قطب الدين هلال، په اداري اصلاحاتو او ملکي خدمتونو کې سلاکار احمد مشاهد، په ولسي چارو کې سلاکار محمد ايوب رفيقي، د طبعي سرچينو په چارو کې سلاکار شېرمحمد جامي زاده، د څېړنو او پراختيا په چارو کې سلاکار شاد محمد څرګند، په سوداګريزو چارو کې سلاکار سيروس  علاف ، د لوړو زده کړو په چارو کې سلاکار نجيب الله خواجه عمري او د بنديانو د حقوقو په چارو کې سلاکار خليل الله زمرى شامل دي.

دغه راز په سيمه ييزو او سياسي چارو کې سلاکار عبدالرحمن هوتک، په ټولنيزو چارو کې سلاکار پيغمبرقل دوغن، د ښځو په چارو کې سلاکاره ګلالۍ اڅکزۍ، د ادارو د اصلاح په چارو کې سلاکار، عزيز الله آريافر، په ټولنيزو او فرهنګي چارو کې سلاکار محمد عزيز بختيار، دديموکراسۍ د پياوړتيا په چارو کې سلاکار، ډاکټر ليلى احراري، په ټولنيزو چارو کې سلاکار همايون جرير او په قومي چارو کې سلاکار بسم الله روحاني شامل دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan