د پژواک خدمتونه

د انځورونو څانګه

غږيزه څانګه

د ولس غږ کلتوري پروګرامونه

د ټاکنو خبري پوښښ

د کانونو په اړه ځانګړې پاڼه

Afghan Peace Process Special Page

د پژواک د سوداګريزو اعلانونو خدمتونه

Daily Newsletter

Language
Sending Time (GMT / Kabul time)

پوليسو کابل کې د نظامي جامو لویه زېرمه کشف کړې ده

پوليسو کابل کې د نظامي جامو لویه زېرمه کشف کړې ده

Sep 29, 2020 - 13:42

کابل (پژواک، ٨ تله ٩٩) : د کورنيو چارو وزارت وايي چې د جرمونو پر وړاندې د مبارزې منسوبینو کابل ښار کې د نظامي يونيفورم او البسې ستره زېرمه کشف کړې ده.

د کورنیو چارو وزارت له خوا د تلې په ٨مه، په يوه خپره شوې خبرپاڼه کې راغلي چې پوليسو د کابل ښار د نهمې امنیتي حوزې په اړوند سیمو کې ځینې هدفمند عملیات ترسره کړي، چې په ترڅ کې يې د نظامي یونیفورم او البسې یوه زېرمه کشف او ترلاسه کړې ده.

سرچينې زياته کړې چې په یاده زېرمه کې ۶۵ زره جوړې یونیفورم او ۴۵ زره جوړې عسکري بوټونه شامل دي .

په خبرپاڼه کې راغلي چې دغه توکي له تېرو کلونو راهیسې د کابل ښار د نهمې حوزې په اړوند "ډسپېچري" سیمه کې په نهو څلوېښت فوټه کانتینرونو کې ځای پر ځای شوي وو.
د کورنيو چارو وزارت ويلي، چې د دې قضیې په تړاو تر اوسه څوک نه دي نیول شوي، خو د نیولو لپاره یې د پولیسو هڅې روانې دي.

ورته راپورونه:

نظر ورکړئ

اعلانونه

Advertisement

Etisalat Get more data, Etisalat Afghanistan