تالقان (پژواک،٢١ تله ٩٩): په تخار کې امنيتي سرچينې وايي چې په خواجه بهاءالدين ولسوالۍ کې درې پوليس وژل شوي او څلور نور ټپيان شوي دي.
په تخار کې يوې امنيتي سرچينې د تلې په ٢١مه پژواک خبري اژانس ته وويل چې تېره شپه وسله والو طالبانو د خواجه بهاءالدين ولسوالۍ په ينګي کلا بندر کې د پوليسو پر پوستې بريد کړى دى.
هغه وايي چې په دغه بريد کې درې پوليس وژل شوي او څلور نور ټپيان شوي دي.
د سرچينې د معلوماتو له مخې، وسله والو طالبانو له يادې سيمې څخه د پوليسو يو هاموې ټانګ هم له ځانه سره وړى دى.
دغه سرچينه زياتوي چې په دې جګړه کې طالبانو ته هم مرګ ژوبله اوښتې، خو کره شمېره يې نه ده په ډاګه شوې.
بل لورته طالبان هم دغه جګړه تاييدوي.
د دې ډلې وياند ذبيح الله مجاهد وايي چې تېره شپه طالبانو د خواجه بهاءالدين ولسوالۍ د ينګي کلا بندر په سيمه کې د پوليسو پر يوې پوستې بريد کړى دى.
هغه وايي چې په دغه بريد کې اووه پوليس وژل شوي او درې نور ټپيان شوي دي.
مجاهد زياتوي چې په دې جګړه کې د پوليسو يو ټانګ له منځه تللى او يو ټانګ او يو شمېر وسلې يې طالبانو ته په لاس ورغلي دي.
د يادونې ده چې په دې وروستيو کې د حکومتي ځواکونو او وسله والو طالبانو ترمنځ جګړو زور اخيستى دى.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن