زرنج (پژواک، ٢٩ تله ٩٩) : د نيمروز ولايت په کنګ ولسوالۍ کې د دوو چاودنو له امله د ولسوالۍ د امنيه قوماندان په ګډون ١٢ پوليس وژل شوي دي.
ددغه ولايت دامنيه قوماندانۍ وياند بهرام حقمل د تلې په ٢٩مه، پژواک اژانس ته وويل چې نن غرمه مهال په شاوخوا دوولسو بجو په کنګ ولسوالۍ کې د پوليسو پر يوه هاموې موټر چاودنه وشوه.
هغه زياته کړه، چې په دې چاودنه کې پنځه پوليس ووژل شول او دوه تنه ټپيان شوي دي.
حقمل وايي، کله چې د امنيه قوماندان په ګډون نور پوليس سيمې ته د مرستې لپاره ور روان وو، نو په لاره کې پر هغوى هم چاودنه وشوه.
د نوموړي په وينا، په دويمه چاودنه کې امنيه قوماندان له شپږو پوليسو سره وژل شوى دى.
وسله والو مخالفينو تر اوسه په دې اړه څه نه دي ويلي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن