کلات (پژواک، ٧ لړم ٩٩) : د زابل ولايت امنيه قوماندان وايي چې د سولې پروسې له مخې تازه خوشې شوى طالب قوماندان له پنځو ملګرو سره وژل شوى دى.
د زابل ولايت امنیه قوماندان حکمت الله کوچي د لړم په ٧مه، پژواک خبري اژانس ته وويل چې طالب قوماندان احمدشاه څه موده وړاندې د سولې پروسې له مخې، د پنځه زره طالب بندیانو په ډله کې خوشې شوی و.
هغه زياته کړه، چې نوموړى له خوشې کېدو وروسته بېرته د جګړې ډګر ته ستون شوى او تېره ورځ يې ددغه ولايت د شهرصفا ولسوالۍ او مرکز کلات تر منځ "سیخاک" سیمه کې له خپلو ملګرو سره پر امنيتي پوستو بريدونه کړي وو.
کوچى وايي چى نوموړى د نښتې پر مهال له خپلو پنځو نورو ملګرو سره وژل شوى دى.
وسله والو طالبانو تراوسه پورې په دې اړه څه نه دي ويلي.
د يادونې ده، چې په قطر کې د امريکا او طالبانو ترمنځ د تړون له مخې، د افغانستان حکومت تر پنځو زرو زيات د طالبانو بنديان خوشې کړي، دغه راز طالبانو هم د حکومت زر تنه بنديان خوشې کړي دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن