لښکرګاه (پژواک، ٢٠ لړم ٩٩) : د هلمند په ګرشک ولسوالۍ کې د ملي اردو پر ځواکونو موټربم بريد شوى دى.
د هلمند د والي وياند عمر ځواک پېښه تاييدوي، خو د بريد له امله د اوښتې مرګ ژوبلې په اړه يې معلومات نه درلودل.
هغه د لړم په ٢٠مه، پژواک ته وويل چې دا موټربم بريد تېر ماخوستن په شاوخوا اتو بجو د ګرشک ولسوالۍ د اتشک په سيمه کې د ملي اردو پر يوې پوستې شوى دى.
بلخوا په هلمند کې د ۲۱۵ ميوند قول اردو مطبوعاتي دفتر وايي چې په دغه پېښه کې د ملي اردو دوه سرتېري وژل شوي او درې نور ټپيان دي.
وسله والو طالبانو تراوسه په دې اړه څه نه دي ويلي.
د يادونې ده، چې په دې وروستيو کې په يو شمېر ولايتونو کې د موټربم بريدونه زيات شوي، وړمه شپه د کندهار په ميوند ولسوالۍ او تېره شپه د فارياب په المار ولسوالۍ کې موټربم بريدونه شوي چې د سرتېرو ترڅنګ ملکي وګړو ته هم مرګ ژوبله اوښتې ده.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن