ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د کندوز په امام صاحب ولسوالۍ کې لس دولتي سرتېري او لس طالبان وژل شوي

د کندوز په امام صاحب ولسوالۍ کې لس دولتي سرتېري او لس طالبان وژل شوي

author avatar
13 Nov 2020 - 12:16
د کندوز په امام صاحب ولسوالۍ کې لس دولتي سرتېري او لس طالبان وژل شوي
author avatar
13 Nov 2020 - 12:16

کندوز ښار (پژواک، ٢٣ لړم ٩٩): حکومتي سرچينې وايي چې د کندوز په امام صاحب ولسوالۍ کې لس امنیتي سرتېري وژل شوي او اووه نور ټپيان شوي دي.

په کندوز کې يوې امنيتي سرچينې د لړم په ٢٣مه پژواک خبري اژانس ته وويل چې تېره شپه وسله والو طالبانو د امام صاحب ولسوالۍ په مرکز کې د بالاحصار په سيمه کې د امنيتي ځواکونو پر يوه مرکز بريد وکړ.

سرچينه وايي چې په دغه بريد کې لس سرتېري وژل شوي او اووه نور ټپيان شوي دي.

د امام صاحب ولسوال محبوب الله سعيدي وايي چې په دې جګړه کې لس طالبان هم وژل شوي دي.

خو ولسوال د امنيتي ځواکونو د مرګ ژوبلې په اړه معلومات نه درلودل.

دغه راز د کندوز د والي وياند عصمت الله مرادي پژواک ته وويل چې په ياده جګړه کې لس طالبان او پنځه د ملي اردو سرتېري وژل شوي دي.

مرادي زياتوي چې په دې نښته کې دوه د ملي اردو سرتېري او پنځه طالبان ټپيان شوي هم دي.

بل لور ته طالبان هم دغه جګړه تاييدوي.

د دې ډلې وياند ذبيح الله مجاهد وايي چې تېره شپه طالبانو د امام صاحب ولسوالۍ په بالاحصار سيمه کې د حکومتي ځواکونو پر پوستې بريد کړى دى.

هغه زياتوي چې په دغه برید کې ١٧ حکومتي سرتېري وژل شوي، لس ټپيان شوي او څلور ژوندي نيول شوي دي.

مجاهد د طالبانو د مرګ ژوبلې په اړه تر اوسه څه نه دي ويلي.

login or register a new account.

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.