کابل (پژواک، ٢٥ لړم ٩٩) : د کورنيو چارو وزارت وايي چې د وسله والو طالبانو په وروستيو بريدونو کې ١٣٤ ملکي وګړي وژل شوي او ٢٨٩ نور ټپيان شوي دي.
د کورنيو چارو وزارت وياند طارق ارين د لړم په ٢٥مه، په کابل کې د يوې خبري غونډې پر مهال وويل چې د وسله والو طالبانو له خوا ملکي وګړو ته دا مرګ ژوبله په تېرو ٢٥ ورځو کې اوښتې ده.
هغه زياته کړه، چې وسله والو طالبانو په دغه موده کې د هېواد په بېلا بېلو ولايتونو کې تر ٢٠٠ ډېرې چاودنې او ١٥ ځانمرګي بريدونه ترسره کړي دي.
ارين وويل چې د وسله والو طالبانو په دغو بريدونو او چاودنو کې د دولتي سرتېرو ترڅنګ ملکي وګړو ته هم ياده مرګ ژوبله اوښتې ده.
د کورنيو چارو وزارت وياند وايي چې په ياده موده کې د دولتي ځواکونو له خوا په بېلا بېلو ولايتونو کې د ځمکنيو او هوايي عملياتو پرمهال لسګونو وسله والو طالبانو ته هم مرګ ژوبله اوښتې ده.
وسله والو طالبانو تراوسه په دې اړه څه نه دي ويلي، خو تر دې مخکې د ملکي تلفاتو په اړه د دولت ادعاوې رد کړې دي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن