ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

​ننګرهار کې یو ډاکتر تښتول شوی

author avatar
15 Nov 2020 - 14:28
author avatar
15 Nov 2020 - 14:28

جلال اباد (پژواک، ۲۵ لړم ۹۹): د ننګرهار د خوږياڼو ولسوالۍ د مرکزي روغتون يو ډاکتر د نامعلومو کسانو له لوري تښتول شوى دی.

ويل کېږي چې نوموړی له تېرو څلور ورځو راهيسې نادرکه شوی دی.

د خوږياڼو ولسوال شمس الحق دلړم په ۲۵مه پژواک اژانس ته وويل، ډاکتر منهاح الدين باتور له روغتونه کور ته پر لاره نادرکه شوى او وروسته يې له کورنۍ د پيسو غوښتنه شوې ده.

په همدې حال کې د ننګرهار د والي وياند عطاءالله خوږياڼي پژواک ته د ياد ډاکتر نادرکه کېدل تاييد کړل او زياته يې کړه چې له تېرې چهار شنبې ورځې چې له ولسوالۍ جلال اباد ښار ته پر لاره و، نادرکه دی.

د ډاکټر باتور د کورنۍ يوه غړي د نوم نه خپرولو په شرط پژواک ته وويل، نوموړی په جلال اباد ښار کې اوسېده او دنده يې د خوږياڼو ولسوالۍ په روغتون کې وه، اوس يې تښتوونکو د خلاصون په بدل کې د پيسو غوښتنه کړې ده.

د يو بل خبر له مخې، چارواکي وايي چې د ننګرهار په خوږياڼو ولسوالۍ کې د وسله والو طالبانو له لوري د ځای پر ځای شوي ماين چاودنه کې دوه وروڼه وژل شوي دي.

د والي وياند عطاءالله خوږياڼي پژواک ته وويل، د دغه ولايت خوږياڼو ولسوالۍ د زاوې ابراهيم خېلو سيمه کې د ماين چاودنې دوه وروڼه وژلي دي.

د نوموړي د معلوماتو له مخې، ابراهيم څلرويشت کلن او ورور يې بختيار پنځلس کلن و چې په دې پېښه کې يې ژوند له لاسه ورکړی دی.

بلخوا په ختيځ کې د ۲۰۱ سېلاب قول اردو له لوري په خپره شوې اعلاميه کې ويل شوي چې وژل شوي دواړه کسان وسله وال طالبان وو چې د ماين خښولو پر مهال پرې خپل ماين چاودنه کړې ده.

وسله والو طالبانو تر اوسه په دې اړه رسنيو ته څه نه دي ويلي.

login or register a new account.

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.