ژبه

ایا له پژواک سره د ګډون حساب نه لرئ؟

د ګډون لپاره کښېکاږئ.

د وسلوالو مخالفينو د يوه قوماندان د نيولو خبر وركړل شو

د وسلوالو مخالفينو د يوه قوماندان د نيولو خبر وركړل شو

author avatar
25 Mar 2012 - 19:41
د وسلوالو مخالفينو د يوه قوماندان د نيولو خبر وركړل شو
author avatar
25 Mar 2012 - 19:41

غزني ښار (پژواك ۶ ورى ۹۱): د ملي اردو چارواكو په غزني کې د عملياتو پر مهال د وسلوالو مخالفينو د يوه قوماندان د نيولو خبر وركړ.

دغه قوماندان، نن له يو موټرسايكل او يوې مخابرې سره يوځاى د غزني د قره باغ او اندړو ولسواليو ترمنځ د كلاخېلو په سيمه كې نيول شوى دى.

په غزني كې د ۲۰۳ تندر قول اردو قوماندان جنرال داوود شاه وفادار پژواک خبري اژانس ته وويل، ملا عبدالواحد چې په مسلم شهرت لري، د غزني د واغز ولسوالۍ اوسېدونکى دى.

وفادار زياته کړه، چې نوموړي د غزني په اندړو او قره باغ ولسواليو کې د دولت پر ضد وسلوال فعاليت کاوه، په دولتي سرتېرو يې بريدونو او ماين چاودنو کې لاس درلود.

د ملي اردو ځواكونو له لوري نيول شوى قوماندان، نن مازيګر ناوخته رسنيو ته وښودل شو.

 ملا عبدالواحد د رسنيو په وړاندې وويل، چې په اندړو کې د امنيتي ځواکونو پر خلاف ګڼ بريدونه کړي او په لارو کې يې ماينونه ځاى پر ځاى کړي دي.

ياده دې وي، چې د ملي اردو چارواکو په غزني کې تېره اونۍ د يوولسو وسلوالو مخالفينو د نيولو خبر ورکړى وو.

Visits: 1

ورته موضوع

اړیکه ونیسئ

د کیسې وړاندیز وکړئ

پژواک ستاسو د خبر له وړانديزونو خوښ دی؛ مهرباني وکړئ، دلته په کلېک کولو سره له موږ سره خپل نظر شریک کړئ

د پژواک اپلیکېشن

د وروستي تازه معلوماتو ترلاسه کولو لپاره په خپل ګرځنده موبایل کې زموږ اپلېکشن ډاونلوډ کړئ.